Noticia_Subvenciones PRTR - cast
09.03.2023
Subvenciones destinaes a la Tresformación Dixital y Modernización de les Alministraciones de les Entidaes Locales, nel Marcu del Plan de Recuperación, Tresformación y Resiliencia
Per aciu Orde TER/836/2022, de 29 d'agostu, aprobáronse les bases reguladores y efectuóse la convocatoria correspondiente a 2022 de subvenciones destinaes a la tresformación dixital y modernización de les alministraciones de les entidaes locales, nel marcu del Plan de Recuperación, Tresformación y Resiliencia (BOE 1 de setiembre del 2022).
Trátase d'una subvención en réxime non competitivu, na qu'a la Comunidá Uniprovincial del Principáu d'Asturies correspuénden-y 2.069.195 euros, pa realizar proyectos que los sos destinatarios sían los conceyos menores de 20.000 habitantes del territoriu.
Estes actuaciones son xestionaes pol Ministeriu de Política Territorial y se incardinan nel Componente 11, Inversión 3 del “Plan de Recuperación, Tresformación y Resiliencia-Financiáu pola Unión Europea NextGenerationEU”, Mecanismu de Recuperación y Resiliencia, establecíu pol Reglamentu (UE) 2021/241 del Parlamentu Européu y del Conseyu, de 12 de febreru del 2021.
Nel marcu d'esta subvención identificáronse los siguientes proyectos:
|
Llinia estratéxica na que s'enmarquen los proyectos: INFRAESTRUCTURES DIXITALES |
|
|
Actuación nº 1: Implantación de puestos de trabayu intelixentes pal personal de los Conceyos de menos de 20.000 habitantes |
Provisión de puestos de trabayu de nueva xeneración con movilidá y ferramientes collaboratives que maximicen la productividá de los emplegaos de los Conceyos y habiliten el so trabayu non presencial. Provisión d'ordenadores portátiles. En concretu va contratase'l Suministru de material informático pa equipar un mínimu de 1.059 Puestos de Trabayu Intelixentes (PTI) nos conceyos de menos de 20.000 habitantes d'Asturies. |
|
Actuación nº 2: Cambéu d'infraestructura nel Centru de procesu de datos (CPD) dende onde s'empreste serviciu a los Conceyos de menos de 20.000 habitantes. |
Modernización de les infraestructures actuales per aciu el cambéu a infraestructures sostenibles, contemplando nueves soluciones qu'apurran mayor eficacia, eficiencia y seguridá. Meyora del CPD esistente, anovando l'equipamientu tecnolóxicu.
|
En fecha 31/05/2023 la Dirección Xeneral de Cooperación Autonómica y Local del Ministeriu de Política Territorial dictó la Resolución de Concesión d'Ayudes pa Proyectos de modernización y dixitalización nel ámbitu de les alministraciones de les entidaes locales. A partir d'esti momentu, el Principáu d'Asturies al traviés de'l Consorciu Asturianu de Servicios Tecnolóxicos empieza los procedimientos pa la contratación de les inversiones previstes.
Esta información comunícase en cumplimientu les obligaciones d'información y publicidá que les autoridaes competentes establezan relativu a la financiación del Mecanismu de Recuperación y Resiliencia, too eso, de conformidá colo dispuesto nel artículu 9 de la Orde HFP/1030/2021, de 29 de setiembre.
Imágenes
